Тошкент шаҳрида тадбиркор қурилиш учун ер майдони бўлмаса-да, икки компания орқали коттежларни бўлиб-бўлиб, бошланғич бадал эвазига сотиб олишни таклиф қилган. У 27 млрд сўмни ўзлаштириб, 1,4 млн долларни хориждаги валюта биржасига ўтказган. Ҳозирда маблағларнинг бир қисмини қайтаришга эришилган.
Тошкент, Фарғона, Сирдарё ва Хоразм вилоятларида ўтказилган рейдлар давомида ноқонуний равишда валюта айирбошлаш билан шуғулланган шахслар қўлга олинди. Улар жами 18 минг АҚШ долларини муомалага киритмоқчи бўлган.
Президент боғчаларни текширишда «дежурний камчиликлар»ни аниқлайдиган Давлат молиявий назорати инспекцияси (КРУ) фаолиятини «мутлақо қониқарсиз» деб атади. «259 та боғчада аниқланган 10 млрд сўмлик камчилик аслида 100 млрд сўмлик бўлган». Давлат раҳбари тизимда коррупция юқорилигини таъкидлади.
Бош прокуратура ҳузуридаги Иқтисодий жиноятларга қарши курашиш департаменти бошлиғи Шамсиддин Сохибназаров қўшимча равишда бош прокурор ўринбосари этиб тайинланди.
Давлат молиявий назорати инспекцияси Бош прокуратура ҳузуридаги Иқтисодий жиноятларга қарши курашиш департаментига ўтказилади. Департамент ва Ҳисоб палатаси биргаликда ишлаб, яширин иқтисодиётни жиловлаш ва бюджет маблағларини тўғри сарфланиши учун жавобгар бўлади.
Ўзбекистонда яширин иқтисодиётни қисқартириш учун Иқтисодий жиноятларга қарши курашиш департаменти таҳлил, тезкор-қидирув, тафтиш ва ўзи тергов қиладиган идорага айланади. Унинг раҳбари бир вақтнинг ўзида бош прокурор ўринбосари бўлади.
Янгиер шаҳрида ўтказилган тезкор тадбирда фуқарони Туркия ва Мексика орқали АҚШга юборишни ваъда қилиб, ундан 8100 АҚШ доллари ва 1,2 млн сўм олганлар ушланди.
Тошкент шаҳри ва Тошкент вилоятида танишлари ёрдамида 16 ва 10 минг доллар эвазига АҚШга ишлаш учун юборишни ваъда қилганлар қўлга олинди.
ДХХ ва Иқтисодий жиноятларга қарши курашиш департаменти ходимлари Тошкент ва Гулистон шаҳарларида фуқароларни 2000 ва 2300 доллар эвазига АҚШга юборишни ваъда қилган шахсларни қўлга олди.
Иқтисодий жиноятларга қарши курашиш департаменти Қашқадарё вилояти Деҳқонобод тумани бўлими бошлиғининг хизмат машинаси 2 та автомобиль билан тўқнашиб кетди. Бўлим бошлиғи ва ҳайдовчилардан бири енгил жароҳатлар билан шифохонага ётқизилди.
Қорақалпоғистонда фермер мансабдор танишлари орқали жами 620 гектар ерни $400 мингга фуқаро номига расмийлаштириб бермоқчи бўлгани, пулнинг ярмини олган вақтида ушлангани айтилмоқда. Шунингдек, Самарқанд ва Наманган вилоятларида ҳам ноқонуний ер савдоси билан боғлиқ ҳолатлар аниқланди.
Тошкент шаҳрида фуқарони 20 минг доллар эвазига Мексика орқали АҚШга юборишини ваъда қилган Жаҳон тиллари университети талабаси ва бошқалар қўлга олинди.
Зангиота туманида корхона раҳбари қишлоқ оилавий поликлиникаларини таъмирлашда, ҳужжатларга амалда бажарилмаган ишларни қўшиб ёзиш орқали 392,9 млн сўмни ўзлаштиргани айтилмоқда. Ҳолат бўйича тергов ҳаракатлари бошланди.
ДХХ тезкор тадбир ўтказиб, Қашқадарёда жами 99 гектар ерни ноқонуний сотмоқчи бўлган фермер хўжалиги раҳбарлари ва ходимини қўлга олди. Сирдарёда ҳам муқаддам судланган шахс боғ яратиш учун берилган ерни 30 минг долларга сотмоқчилиги маълум бўлди. Ҳозир ушбу шахсларга жиноят иши очилди.
Зангиота, Нарпай, Урганч туманлари ва Қарши, Хонобод шаҳарларида электр энергияси тармоқларига ноқонуний уланиб, давлатга 618 млн сўм зарар етказиш ҳолатлари аниқланди. Ҳолат юзасидан жиноят ишлари қўзғатилиб, тергов ҳаракатлари ўтказилмоқда.
Ўрта Чирчиқ тумани ва Нукус шаҳрида бўш ер майдонни 14 500 доллар ва 37 млн сўмга сотаётган шахслар аниқланди. Ҳолат юзасидан тергов ҳаракатлари бошланди.
Урганчда ўтказилган терговга қадар текширувда иккита МЧЖ раҳбари ҳудудий тижорат банки филиалидан ажратилган 5,8 ва 4,5 миллиард сўм кредитни ўзлаштиргани аниқланди. Мазкур ҳолат юзасидан жиноят ишлари қўзғатилиб, тергов ҳаракатлари ўтказилмоқда.
Ўзбекистон туманидаги яширин цехда қалбаки ёғ маҳсулотларини қадоқлаш фаолияти билан шуғулланиб келганлар аниқланди. У ердан 1,8 тонна истеъмолга яроқсиз ёғ маҳсулотлари ашёвий далил сифатида олинди.
Иқтисодий жиноятларга қарши курашиш департаментининг Бухоро шаҳар бўлими томонидан икки фуқаро ерни ноқонуний сотишга уринган вақтда гумонланувчи сифатида қўлга олинди. Шунингдек, Самарқанд, Олмалиқ ва Марҳаматда ҳам ерни ғайриқонуний равишда сотишга уриниш аниқланди.
Иқтисодий жиноятларга қарши курашиш департаменти томонидан фуқароларга ҳайдовчилик гувоҳномасини 300−400 доллар эвазига олиб беришни ваъда қилган гумондор шахслар ушланди. Уларга нисбатан жиноят ишлари қўзғатилди.
Қўшимча имкониятларга эга булиш учун сайтда рўйхатдан ўтинг